Sponsoaren yn rige foar Cambuur
Sportyf besjoen giet it poerbêst mei Sportclub Cambuur en dat liedt ta in grutte oanrin fan sponsoaren by de club. No´t de Ljouwerters boppe-oan stean, wolle in protte bedriuwen harren namme ferbine oan Cambuur.
Gewoanwei moat Cambuur sels aktyf op syk nei sponsoaren, mar yn de ôfrûne wike hawwe sa´n 25 bedriuwen harsels spontaan oanmeld by de club. De sponsorbegrutting wurdt dêrmei helle en dat is yn jierren net mear bard by de Ljouwerter fuotbalclub.