Avanti Stiens nei earedivyzje
De sealfuotballers fan Avanti binne freedtejûn yn it Sportcentrum Drachten kampioen wurden fan de earste divyzje.
De Stienzers wûnen yn in spannende wedstriid pas nei ferlinging mei 8-5 fan Urk. Nei twa kear 25 minuten spyljen stie der in 4-4 stân op it skoareboerd en dus wie der in ferlinging nedich. Yn de ekstra tiid rûn Avanti út fan 4-4 nei 8-5 en doe koe der feest fierd wurde.