De Sûkerei siket meiwurkers
Kultuer-histoarysk sintrum De Sûkerei yn Damwâld siket minsken dy't dêr rûnliedings jaan kinne en is ek noch hieltyd op syk nei nij materiaal. It sintrum giet op sneon 5 april offisjeel iepen.
Der wurdt no noch wurke oan de ynrjochting fan trije wâldhúskes, de droegerij en it terrein dêromhinne. Minsken dy't rûnliedings jaan wolle, krije earst in trening. It bestjoer siket ek jacht- en streuperijsaken.
