Undersyk nei nij Thialf
Der komt ûndersyk nei in nij te bouwen Thialf-stadion op It Hearrenfean. De gemeente, provinsje en Sportstêd Hearrenfean ûndersykje dat. It nije Thialf soe komme kinne op de hjoeddeiske lokaasje of earne oars.
De nijbou soe betelle wurde moatte út kompensaasjejild foar it Suderseespoar en troch merkpartijen. De nijbou is nedich om't Thialf net mear oan de easken fan de topsport foldocht. Ek nimt de konkurrinsje ta.
