Deade by ûngelok Langsweagen

15 maart 2008, 08:07 • 1 minút lêstiid

Foto makke troch Henk Stoelwinder

By in auto-ûngelok op de Hegedyk by Langsweagen is freedtejûn in ynwenner (21) fan De Gordyk om it libben kommen. De jonge automobilist bedarre neist de dyk tsjin in beam. Hy siet beknypt yn de auto. De brânwacht moast him der út helje. De helptsjinsten waarden even nei healwei alven alarmearre.

De Hegedyk hat goed twa oeren ôfsletten west foar it ferkear.