Friezen shoppe leafst tichtby
Friezen winkelje it leafst yn de eigen provinsje. Allinne foar in tripke nei meubelgigant Ikea yn Grins wolle se in útsûndering meitsje. Dat docht bliken út ûndersyk nei it keapgedrach fan Friezen dat útfierd is troch de Keamer fan Keaphannel, de provinsje en fjirtjin gemeenten.
De measte Friezen boadskipje yn harren eigen provinsje. Allinne klean, skuon en meubels wurde ek bûten de provinsje kocht.
