CDA: 'Aksjes gean te fier'
De CDA-steatefraksje yn Drinte fynt dat de aksjes fan it komitee dat stridet foar de komst fan it Suderseespoar sa stadichoan te fier gean. Earder dizze wike rôp it komitee, ûnder oare fia wurkjouwersorganisaasje VNO/NCW minsken op om it lidmaatskip fan in politike partij op te sizzen.
Sneontejûn fregen foarstanners fan it spoar yn it Abe Lenstrastadion nochris omtinken foar de situaasje.
