Nije fûgel: grutte wite reager
Fryslân hat der in bysûndere nije briedfûgel by; de grutte wite reager. Dat ferwachtet Romke Kleefstra fan Sovon Vogelonderzoek. It giet om in súdlike soarte dy't hieltiten mear foarkomt yn hiel Nederlân.
It kommende wykein set wer in grutte fûgeltelling útein. De kâns is grut dat der dan ek in soad wite reagers teld wurde. De lêste twa moannen binne rekôrtallen wite reagers sjoen, al seker mear as 200.
