Spoedsitting oer Suderseeline

It is noch mar de fraach oft der wol sa'n snelle trein nei it Noarden komt.
Provinsjale Steaten fan Fryslân, Grinslân en Drinte ha takom tiisdei in mienskiplike spoedsitting oer de Suderseeline. De provinsjes wolle helder krije wat sy fan it kabinet ferwachtsje kinne.
De freeds dernei sil in delegaasje prate mei minister Eurlings. De ferwachting is dat it kabinet de Suderseeline-plannen net trochsette sil en dat it Noarden as kompensaasje dêrfoar jild krijt.