Cambuur wint fan AZ

27 septimber 2007, 22:23 • 1 minút lêstiid

De Cambuur-spilers betankje de supporters nei ôfrin fan de wedstryd.

Doelpuntemakker Rachid El Khalifi en Barakat.

Sportklup Cambuur hat foar in grutte ferrassing soarge troch yn in fol Cambuurstadion mei 1-0 fan AZ te winnen yn 'e KNVB-beker. De Ljouwerters wûnen troch in doelpunt fan Rachid El Khalifi, goed 10 minuten foar tiid.

AZ spile in minne wedstriid en koe net troch de sterke ferdigening komme. De Belch Maarten Martens miste foar AZ noch in penalty. Cambuur krige nei de 1-0 ek noch kânsen op de 2-0.