Seehûnen yn Iselmar
Rykswettersteat sjocht hieltyd mear seehûnen yn de Iselmar. By in tal ynspeksjeflechten binne de bisten ûntdutsen. Ferline wike binne der twa sinjaleard op de sânbank foar de kust fan Gaasterlân-Sleat; earder dit jaar waard in pear kear in inkeling sjoen.
De seehûnen komme troch de spuisluzen fan de Ofslútdyk. Se kinne goed oerlibje yn swiet wetter, mar nei alle gedachten geane se werom nei de Waadsee as it kâlder wurdt.
