Skylger polityk wol Doeksen
As it oan de Skylger polityk leit, krijt rederij Doeksen it monopoly op de feartsjinst nei it eilân. Dêrmei wurdt de Eigen Terschellinger Veerdienst, dy't Skylger ûndernimmers opsette wolle, bûtenspul set.
In riedskommisje is foar it tekenjen fan in iepenbier tsjinstkontrakt wêrtroch der gjin frije merk komt foar feartsjinsten. Mei it kontrakt krijt Doeksen de kommende fyftjin jier gjin konkurrinsje op it persoaneferfier.
