10.000e besiker Kazematten
It Kazemattenmuseum te Koarnwertersân ferwachtet woansdei de 10.000ste besiker fan dit jier.
Dat is rom in moanne earder as foarich jier. Reden is de ekstra drokte yn it museumwykein fan april dit jier. Mar ek it 75-jierrich jubileum fan de Ofslútdyk hat in bydrage levere. Sa is der yn it Kazemattenmuseum in wikselekposysje oer de bou fan de Ofslútdyk mei materiaal dat noch net earder te sjen wie.
