Gjin wurkfergunning foar Angel
De korpssjef fan Fryslân hat terjochte syn tastimming wegere om de president fan de Amsterdamse Hells Angels as befeiliger wurkje te litten. Dat hat de Raad fan State woansdei besletten.
Daniël Uneputty woe by in Hegemer befeiligingbedriuw oan it wurk, mar hat dêrfoar in legitimaasjepas nedich as offisjeel befeiliger. De korpssjef wol dy pas net jaan omdat Uneputty fertocht wurdt fan dielname oan in kriminele organisaasje.
