Alkoholkontrôle op wetter

23 july 2007, 10:25 • 1 minút lêstiid

By in alkoholkontrôle op it wetter by Grou ha sneontemiddei 17 minsken in proses-ferbaal krigen. Njoggen fan de mei-elkoar 56 kontrolearre skippers hiene te folle drank op. Acht skippers ha in proses-ferbaal krigen foar hurdfarren. De plysje hat by de kontrôle gearwurke mei It Fryske Gea en Provinsjale Wettersteat.

Yn Grou wie sneontemiddei de earste wedstriid fan it SKS-skûtsjesilen.