Piken ferdronken op Amelân
De hurde wyn en it hege wetter ha foar in slachtpartij ûnder jonge fûgels op it Amelân soarge. Tûzenen jonge fûgels binne tiisdeitejûn ferdronken omdat in kwelder ûnderstrûpt is. Alle nêsten fan de Noardske sterns, mar ek in hiel soad mokkenêsten en fiskdievennêsten binne ferlern gien.
De jongen binne wol út it aai, mar kinne noch net fleane. Troch de hurde wyn en it hege wetter, is it gebied mei tsientûzen nêsten ûnderrûn.
