Smoarch wetter goed kwyt kinne
Der moatte mear ynstallaasjes komme dêr't wettersporters har smoarge wetter kwyt kinne. Ek moatte besteande ynstallaasjes makliker te brûken wêze. De Marrekrite moat dêr mei de wettersportûndernimmers wat oan dwaan.
Hieltyd mear wettersporters wurde ferplichte har smoarge wetter yn in aparte tank oan board op te slaan. De Marrekrite hat ek belang by sokke ynstallaasjes om't it smoargens sa net by de lisplakken achterlitten wurdt.
