Flylân: noflik wenjen

De Doarpsstrjitte yn Flylân
Flylân is de op ien nei bêste gemeente yn Nederlân om yn te wenjen. Dat docht bliken út it jierlikse ûndersyk fan tydskrift Elsevier. It Waadeilân moat it plak Laren foargean litte. Naarden stiet op it tredde plak.
It tydskrift hat ek berekkene wat de ferhâlding is tusken wat in ynwenner betellet oan wenlesten en wat er dêrfoar weromkrijt oan wengenot. Ynwenners fan Amelân komme dêrby it bêste út de bus.