Grutte himmelaksje op see
Kommend jier moat mear as 200.000 kilo smoargens út de Waadsee en Noardsee fiske wurde. Mei dit inisjatyf komt de ynternasjonale miljeu- en feiligensorganisaasje KIMO. It projekt is in neifolging fan in súksesfol fergelykber projekt yn Súd-Nederlân. Fiskers út Harns, Lauwerseach, de Eemshaven en Wieringen sille de smoargens opfiskje. In diel fan de smoargens wurdt troch de KIMO analisearre.