Jonge (10) ferwûne by botsing
Op de Matthijs Smitstrjitte yn Sint Anne hat sneontemoarn in oanriding plakfûn. Dêrby rekke in 10-jierrige fytser út Sint Anne ferwûne. De jonge fytste fanôf de Aldebiltdyk/ Schuringawei linksôf de Smitstrjitte op. Neffens tsjûgen naam er de binnenbocht en botste dêr op in auto.
Dy waard bestjoerd troch in ynwenner (36) fan Sint Anne. De fytser foel en rekke ferwûne oan de holle. Hy is oerbrocht nei it sikehûs yn Ljouwert.
