"Amtners moatte homo's trouwe"
Trou-amtners yn Opsterlân moatte ek homostellen trouwe. Dat fynt de PvdA yn de gemeente. Neffens it nije regearakkoart meie gemeenten sels beslisse hoe't se omgean mei amtners mei gewissebeswieren.
De PvdA yn Opsterlân fynt it ûnakseptabel dat amtners de mooglikheid krije soene om te wegerjen homopearen te trouwen. As der nije trou-amtners oannaam wurde, moat har dat ek ferteld wurde, fynt de partij.
