Flyers lokket fuotbalsupporters

7 desimber 2006, 11:06 • 1 minút lêstiid

Iishockeyklub Vadeko Flyers jout 50% koarting op de tagong by thúswedstriden oan seizoenkaarthâlders fan SC Hearrenfean. De klub wol sa besykje om it stadion foller te krijen.

Neffens in wurdfierder fan de Flyers is it publyk it paad nei it Thialf iisstadion bjuster. De Flyers waarden snein útskeakele foar de beker. Op 17 desimber stiet de earste thúswedstriid foar de striid om it lânskampioenskip op it programma.