Dokumintêre oer boer Hietkamp
It libben fan de eigensinnige boer Sibbele Hietkamp fan Kollumersweach wurdt ûnderwerp fan in dokumintêre. De film ferskynt op dvd en is ein dit jier nei alle gedachten ek op Omrop Fryslân tv te sjen. Hietkamp ferstoar hast twa jier lyn. Hy wie doe 87 jier.
Hietkamp wie in pear jier dêrfoar slachtoffer fan in oerfal by him thús. Dêr is er nea wer echt fan wersteld. Op dit stuit wurdt de lêst hân lein oan de dokumintêre.
