Zwaga wer skipper by SKS
Ulbe Zwaga mei wer skûtsjesile. It bestjoer fan de SKS, de Sintrale Kommisje Skûtsjesilen, hat besletten him wer as lid ta te litten, nei oerlis mei de leden.
Ulbe Zwaga waard ein 2002 as lid skrast omdat er de mêst fan it Ljouwerter skûtsje ferstevige hie mei koalstof. Dat mei neffens de regels net. Ek hie er him yn de parse negatyf útlitten oer de SKS. It nije lidmaatskip fan Zwaga giet op 1 maart yn.
