84 oeren yn in etalaazje
De Ljouwerter studinten Harry Postma en Bonny Vermeesch sille fjouwer dagen yn de etalaazje fan harren feriening Wolwêze trochbringe. Se wolle sa jild ophelje foar de slachtoffers fan de ierdbeving yn Pakistan.
Moandei om tolve oere binne de studinten de etalaazje oan it Vliet yn Ljouwert yngien. Meiïnoar moatte se 84 oeren yn in romte fan ien by fjouwer meter sitte. Tongersdeitejûn om tolve oere meie de studinten der wer út.
