Alderen wolle mear ynfloed ha
De katolike âlderenbûnen yn it Noarden wolle mear ynfloed ha yn lokale organisaasjes. Oanlieding is ûnder oare de nije wet Maatschappelijke Ondersteuning. Dy jout de gemeenten de ferantwurdlikheid foar soarch, wenjen en wolwêzen. Dat binne saken dêr't âlderen in soad mei te krijen ha en dêrom is it fan belang dat se har stim hearre litte as it dêr oer giet.
Moandei is der yn Meppel in stúdzjedei oer dit ûnderwerp.
