Annamarie Thomas nei Worldcup

5 febrewaris 2005, 10:23 • 1 minút lêstiid

Annamarie Thomas hat har dochs noch pleatst foar in Worldcupwedstriid. By in skate off yn Thialf waard se freed fjirde op de 1000 meter. En dat wie genôch om nije wike yn it Dútse Erfurt meiride te meien. Thomas hat it hiele seizoen al lest fan 'e rêch. Mar se bliuwt optimistysk en tinkt dat se noch op nivo presteare kin.

At Thomas yn Erfurt goed presteart hat se noch kâns dat se ek de finale fan de Worlcup yn Thialf ride mei.