Digitale kij goed te folgjen

© Omrop Fryslân
De feehannel krijt in systeem dat fee folget fan boer nei feemerk en fierder. De provinsje stekt 150.000 euro yn de ûntwikkeling fan sa'n digitaal folchsysteem. De nije oanpak makket de yngewikkelde papieren administraasje foar in part oerstallich.
Feeriders, feemerken, slachters en boeren hawwe no noch in soad wurk fan de papieren administraasje. Dat komt om't de regels foar it ferfieren fan fee hiel strang binne.