Nije opfang nedich foar froulju

Der moat in spesjale opfang komme foar jonge froulju dy't it slachtoffer driigje te wurden fan earwraak. Dat wol opfanghûs Asja yn Ljouwert.

Op dit stuit wurde der by Asja sa no en dan froulju opfongen dy't ferstjitten binne, wylst Asja eins in opfang foar prostituees is. Dizze sitewaasje freget neffens Asja om in spesjale nije opfanglokaasje foar froulju dy't mei earwraak te krijen ha.