Fúzje liedt ta Museum Joure
Sûnt ôfrûne sneon bestiet de Stichting Museum Joure. Dy is ûntstien út in fúzje tusken it Natuermuseum en Museum Johannes Hesselhuis op 'e Jouwer. Ek binne it Geakundich Wurkferbân Skarsterlân en de Kultuerried Museum Joure ûnderbrocht yn de stichting. Boppedat biedt de stichting ûnderdak oan it Friesch Grafisch Museum.
Museumwinkel De Witte Os wurdt ynkoarten yngeand renovearre. Der komt in nij dak en in nije flier.
