Minder fjoerwurkkontrôles
Brânfeiligensbedriuw Chubb Flame Control fan It Hearrenfean hat it dit jier minder drok mei fjoerwurkkontrôles as eardere jierren. Dat seit wurdfierder Willem de Jager fan it bedriuw.
In soad fjoerwurkhannelers moatte har bedriuw slute om't it te folle kostet om te foldwaan oan de feiligenseasken. Brânfeiligensbedriuwen hoege dêrtroch minder te kontrolearjen.