Dales: de NA mei demonstrearje
Boargemaster Dales fan Ljouwert hat argewaasje fan gemeenteriedsleden en politike partijen dy't him freegje om de demonstraasje fan 'e Nationale Alliantie tsjin 'multikultureel geweld' te ferbieden. Elts hat it rjocht om te sizzen wat er wol, salang as it net yn striid mei de wet is, sa seit Dales.
Mar as it by de demonstraasje fan sneon komt ta sprekkoaren, fernielings of fjochterij, dan sil Dales de fergunning foar de demonstraasje ynlûke.
