FNP tsjin geheime gearkomsten

© Omrop Fryslân
De gemeente Ljouwert docht te heimsinnich oer it grutte bouprojekt Súdlannen. Dat fynt de FNP yn Ljouwert. It bart geregeld dat politike partijen bypraat wurde moatte yn fertroulike en geheime gearkomsten.
Neffens FNP-riedslid Sybren Posthumus heart sa'n wichtich en grut projekt iepenbier te wêzen. Hy wegere dêrom woansdei nei de gearkomste te gean. Yn de nije wyk besuden Ljouwert komme de kommende tweintich jier 6500 wenten.