Jan Vayne yn De Wâldsang
Muzykskoalle De Wâldsang fan Kollumerlân, Achtkarspelen, Tytsjerksteradiel en Dantumadiel hie sneontemoarn wat spesjaals organisearre foar har learlingen. 90 bern krigen in masterclass pianospyljen fan Jan Vayne.
Jan Vayne hie sneontejûn in optreden yn Surhústerfean. Foar de muzykskoalle wie dat in moaie gelegenheid om him út te noegjen. Jan Vayne is gek op ymprovisaasje en dat wol er de bern graach meijaan.
