Koarting op wettersuvering
Hûnderten húshâldens yn bûtengebiet kinne tenei mei tûzenen euro koarting in lytse wettersuveringsynstallaasje keapje. Fyftjin gemeenten, it wetterskip en de provinsje ha dêr freed in oerienkomst oer ûndertekene.
It ôffalwetter fan de húshaldens dy 't it oangiet wurdt no sûnder suvering op it bûtenwetter loasd, mar yn 2005 mei dat net mear. In suveringsynstallaasje kostet al gau sa'n sântûzen euro. Guon gemeenten fine dat bedrach te heech.
