Sumar begjint service-sintrum
Yn Sumar waard sneon op inisjatyf fan doarpsbelang in konvenant sletten om de foarsjennings yn it doarp op peil te hâlden. Belangrykste ûnderdiel fan it konvenant is in service-sintrum foar âlderen, by foarkar mei in lytse biblioteek. Der binne ek ideeën foar in ynternetkafé, in boadskippetsjinst en kuier- en fytsroutes.
It servicesintrum kostet 75.000 euro. De gemeente tinkt dat Sumar mooglik in foarbyld wêze kin foar oare doarpen.
