Nij boek oer Fryske skiednis
Ald-sjoernalist Kerst Huisman hat in boek skreaun oer de Fryske skiednis. De histoarikus docht dat troch goed 100 ferhalen te fertellen. It boek ferskynt yn de rige 'De Nederlandse geschiedenis door de ogen van tijdgenoten'.
Mei fragminten út deiboeken en brieven beskriuwt it 2000 jier Fryske skiednis. Fan de Romeinen oant de ferneamde wedstriid Hearrenfean-Ajax yn 1950 ta. It boek wurdt 23 oktober presintearre yn boekhannel De Tille yn Ljouwert.
