FNP en SP solidêr mei Koerden
De Koerdyske kulturele feriening yn Fryslân, de FNP en de SP hawwe tiisdei yn Ljouwert in byienkomst holden oer de situaasje fan de Koerden yn Noard-Irak.
Besletten is in brief útgean te litten nei it Nederlânske regear en it Europeeske parlemint. Nederlân soe fuortdalik de Patriotraketten út Turkije weromlûke moatte as de Turken Noard-Irak binnenfalle. Ek soe stribbe wurde moatte nei in federale steatsopbou yn it nei-oarlochske Irak.