Klimmersploech nei Súd-Amearika
De sân leden fan de klimmersploech fan Skylge binne ûnderweis fan Madrid nei Buenos Aires yn Argentinië. Dêr wol de ploech de kommende wiken de heechste berch fan Súd-Amearika, de Akonkagua, beklimme.
De ekspedysje nei Argentinië is in ferfolch op dy fan twa jier werom. Doe beklommen de manlju de heechste berch fan Afrika, de Kilimanjaro. De ploech hopet op 6 febrewaris wer werom te kommen op Skylge.