Drachten posityf oer autoraces
GrienLinks is om miljeu-redenen as iennichste partij tsjin it hâlden fan autoraces op de airstrip yn Drachten. De oare partijen yn de gemeenteried fan Smellingerlân binne tefreden oer de trije proefraces earder dit jier. Dat die by de evaluaasje bliken.
Mei de proef woe de gemeente it hâlden fan yllegale races keare. Fanwegen it sukses fan de tastiene races tinkt boargemaster Van der Zaag deroer takom jier wer in tal races te hâlden.
