E.S. de Jong ferstoarn
Yn Snits is tiisdei op 82-jierrige leeftyd E.S. de Jong ferstoarn. De Jong wie ûnder mear bekend as redakteur fan de Boalserter krante. Fierder hat er in grut tal Fryske boeken skreaun en wie er aktyf yn tal fan maatskiplike en kristlike organisaasjes yn Fryslân.
De Jong wurdt sneon yn Boalsert te hôf brocht. Der sil dan in spesjaal makke stik op it karriljon spile wurde.