Twadde glêsfezelkabel nei Skier

© Omrop Fryslân
In twadde glêsfezelkabel nei Skiermûntseach moat de eilanners deselde mooglikheden garandearje as de minsken op de fêste wâl. April takom jier set KPN út ein mei de oanlis fan dy kabel. De kapasiteit wurdt dêrmei sadanich útwreide dat Skier wer jierren foarút kin.
Mei in twadde kabel is boppedat foar te kommen dat by skea oan in kabel it hiele eilân digitaal ûnberikber wurdt.