Orgaandonaasjefunksjonaris MCL
It MCL-sikehûs yn Ljouwert krijt in funksjonaris dy't by de proseduere fan orgaandonaasjes helpt. It doel is dat mear pasjinten har organen ôfsteane foar transplantaasjes.
Minister Borst jout tolve sikehûzen jild om in funksjonaris oan te stellen. Nei twa jier wurdt besjoen oft se yn fêste tsjinst komme. It inisjatyf komt fan de Nierstichting en de pasjinteferiening.
