Oplichting by festival Promised Land

24 maaie 2015 - 11:50

Yn Ljouwert hat de plysje sneontejûn by it festival Promised Land by de Griene Stjer twa manlju oanhâlden. It duo wurdt derfan fertocht dat se mei stellen creditcards e-tickets kocht ha. Mei dy tickets fan 30 euro koenen besikers munten krije dêr't se iten en drinken foar keapje koenen.

De 25-jierrige man sûnder fêst wenplak en in 36-jierrige man út Rotterdam ferkochten de kaarten op it terrein ûnder de priis. De plysje hat it duo ynsletten en docht neier ûndersyk.

Diel dit berjocht op:
(advertinsje)