Harkyt is rydbewiis kwyt nei botsing mei betonblok

In 19-jierrige ynwenner fan De Harkema is syn rydbewiis kwytrekke neidat er in oanriding feroarsake hie. Op in trijesprong fan de Krúswei en de Turfloane fleach er sneontejûn mei syn auto út de bocht en kaam ta stilstân tsjin in betonblok. Hy rûn nei hûs en is dêr letter troch de plysje oanhâlden. Hy hie tefolle dronken en moast syn rydbewiis ynleverje.