Kristlike partijen en FNP dogge it goed yn Dongeradiel
De konfesjonele partijen diene it woansdei goed by de steateferkiezings yn de gemeente Dongeradiel. It CDA is dêr mei 31% fan de stimmen fierwei de grutste partij. De FNP wûn ek en gie fan 11 nei 13,5%. De ChristenUnie gie fan 10 nei 11,8%. De PvdA ferlear bot en gie fan 16 nei 9,6%. De VVD ferlear ek en gie fan 9 nei 6,3%.
Oare partijen dy't wûnen wiene de SP, PVV, D66, Partij voor de Dieren en 50Plus.
