Opkomst ferkiezings om tolve oere 10 oant 15 prosint

18 maart 2015, 12:22 • 2 minuten lêstiid

It stimburo yn Lippenhuzen © Omrop Fryslân, Dirk Baron

De measte Fryske gemeenten sitte woansdei om healwei tolven hinne op in opkomst foar de ferkiezings fan 10 oant 15 prosint. Positive útsjitters binne plattelânsgemeenten en de Waadeilannen. It Amelân siet op 15%, Skier sit al op 22%, Flylân 18% en Skylge boppe de 15%.

Achtkarspelen bliuwt wat achter. Dat is ien fan de twa gemeenten dy't noch ûnder de 10% siet, mei 9,1%. Ljouwert docht it ek noch net bêst mei 9%. Dat wie fjouwer jier lyn hast 11,5%. By de steateferkiezings yn 2011 giene mei-inoar 58% fan de kiezers nei de stimbus.

By it Wetterskip wie de opkomst folle leger. Grut ferskil mei no is dat doe de wetterskipsferkiezings net op itselde momint wiene as de steateferkiezings.

In oersjoch per gemeente, foar safier by ús bekend:

Achtkarspelen (11:30 oere):
Provinsjale Steaten: 9,1%
Wetterskip: 8,7%

Amelân (11:30 oere):
Provinsjale Steaten: 15%
Wetterskip: 15%

Dantumadiel (11:30 oere):
Provinsjale Steaten: 15%
Wetterskip: 14%

De Fryske Marren (11:30 oere):
Provinsjale Steaten: 12,3%
Wetterskip: -

Dongeradiel (11:30 oere):
Provinsjale Steaten: 16,4%
Wetterskip: 13,5%

Eaststellingwerf (11:30 oere)
Provinsjale Steaten: 17,2%
Wetterskip: -

Ferwerderadiel 11:30 oere):
Provinsjale Steaten: 13%
Wetterskip: -

Flylân (11:30 oere):
Provinsjale Steaten: 18%
Wetterskip: 16%

Frjentsjerteradiel (11:30 oere):
Provinsjale Steaten: 12%
Wetterskip: 11,5%

Harns (11:30 oere):
Provinsjale Steaten: 13,2%
Wetterskip: 12,7%

Hearrenfean (10:00 oere):
Provinsjale Steaten: 8,4%
Wetterskip: 7,5%