Hûndert bunder heechfean ôfbrând by De Fochtel

14 maart 2015, 10:28 • 1 minút lêstiid

It Fochtelerfean, de oare moarns nei de brân

It Fochtelerfean wie ien fan de troffen gebieten

Troch de grutte natuerbrân yn it Fochtelerfean is freed sa'n hûndert bunder heechfean ôfbrând. It fjoer ûntstie oan de noardkant fan it natuergebiet, by Feanhuzen. Der waarden tsien brânwachtauto's en in helikopter ynset. It gebiet wie min te berikken foar de brânwacht.

Neffens Wilfred Alblas fan Natuurmonumenten wiene der fjouwer brânhurden. Troch de hurde wyn waard it fjoer yn heech tempo ferspraat. De brân is nei alle gedachten oanstutsen, tinkt Natuurmonumenten.