Akteur Rense Westra ferstoarn

02 mrt 2015 - 14:44

Akteur Rense Westra is moandei ferstoarn. Dat hat syn famylje bekend makke. Westra spile yn tal fan films, lykas De Dream, de Gouden Swipe, de Fûke en de films oer de Kameleon. Furoare makke er mei syn rol yn de dramasearje Baas Boppe Baas, dy't tusken 2001 en 2005 te sjen wie op Omrop Fryslân Televyzje. Westra spile ek yn de soap-searjes Goudkust en Westenwind. Hy spile boppedat yn it teater. Hy hie rollen yn mear as tachtich stikken fan toanielselskip Tryater.

Rense Westra is 68 jier wurden. Hy ferstoar yn sikehûs MCL yn Ljouwert.

Omrop Fryslân Televyzje stjoert moandeitejûn om 21.20 oere in dokumintêre út oer Rense Westra. Fiif jier lyn makke de omrop dit portret fan de akteur.

Trefwurden: 
Rense Westra
Diel dit berjocht op:
(advertinsje)