Brânwacht ûndersiket fertochte luchtbellen by tankstasjon
De brânwacht hat sneontemoarn in mooglik gaslek ûndersocht by in tankstasjon oan De Bolder yn Drachten. By it stasjon kamen yn in put luchtbellen omheech. De brânwacht hat dêrop mjittings dien, mar hat gjin gas ûntdekke kinne. Der wurdt noch wol fierder ûndersyk dien, mar it liket derop dat der gjin lek is. De omjouwing bliuwt noch wol ôfset.
